ශ්‍රී ලංකා යොවුන් ක්‍රීඩකයෝ බංග්ලාදේශය අන්ත පරාජයකට ඇද දමති

බංග්ලාදේශයට එරෙහිව පැවැත්වෙන තරග 5 කින් සමන්විත එක්දින තරගාවලියේ ශතකයක් වාර්තා කරන ලද පළමු පිතිකරුවා බවට පත්වූ චමිඳු වික්‍රමසිංහගේ සුපිරි හරඹය හමුවේ පස්වැනි සහ අවසන් එක්දින තරගයෙන්ද ලකුණු 4 ක ජයක් වාර්තා කිරීමට ශ්‍රී ලංකා යොවුන් කණ්ඩායමට අද (25 වැනිදා) හැකියාව ලැබිණ. සුපිරි කණ්ඩායම් 12 අතර තරග වටයේදී බංග්ලාදේශ කණ්ඩායමට එරෙහිව ජ්‍යෙෂ්ඨයින් කඩුලු 5 ක ජයග්‍රහණයක් වාර්තා කොට පැය 24 ක් ගතවීමට මත්තෙන් වත්මන් යොවුන් ලෝක ශූරයින් ලෙසින් ශ්‍රී ලංකාවට පැමිණි බංග්ලාදේශ යොවුන් කණ්ඩායමට එරෙහිව වූ තරගාවලිය 5-0 ක් ලෙස අන්ත පරාජයකට ඇද දැමීමටද දුනිත් වෙල්ලාලගේ ඇතුළු පිරිව සමත්වූහ.